مجلة صوتها تصدر عن منتدى الاعلاميات العراقيات
البروفيسورة ريمة العيفاري، نمساوية من أصل عراقي، حصلت رسميًا على الكرسي الجامعي للرياضيات التحليلية في جامعة RWTH Aachen الألمانية، واحدة من أقوى الجامعات الهندسية بأوروبا والعالم.
ريمة مو جديدة على التميّز… من كانت صغيرة وكانت أرقام ومعادلات الرياضيات لعبتها. بس اللحظة اللي غيّرت مسار حياتها هي مشاركتها بأولمبياد الرياضيات، ومن بعدها صار طريقها واضح: بحث، تحليل، وأدلة رياضية صارت جزء من يومها.
جامعة آخن احتفت بيها ونشرت تصريح تقول بيه ريمة:
“بعالم يمشي بسرعة، الرياضيات تسمح لنا نغوص بعمق ونفهم كل شي بهدوء.”
وتحجي أيضًا إنها تحب اللحظة اللي تشوف بيها طلابها يبدون يفهمون الجمال الحقيقي للرياضيات—حتى لو بالبداية يخافون من المعادلات التفاضلية .
وللي ما يعرف جامعة آخن:
– تأسست سنة 1870
– مصنّفة كجامعة امتياز
– بيها أكثر من 290 معهد بحثي
يعني المنصب اللي وصلت له ريمة مو بسيط أبدًا… هذا كرسي نادر وما يأخذه إلا نخبة النخبة.
هذا الإنجاز مو بس نجاح شخصي… هذا فخر عراقي عالمي.
ريمة العيفاري مثال حي إن الموهبة إذا لقت بيئة علمية صحيحة تتحول لإنجاز عالمي يشرف الكل.
