إيمي سمير غانم توجه رسالة مؤثرة لوالديها

وجهت الفنانة إيمي سمير غانم رسالة مؤثرة لوالديها الراحلين الفنان سمير غانم والفنانة دلال عبد العزيز من خلال حسابها الشخصي على موقع الصور والفيديوهات إنستغرام.

رسالة إيمى سمير غانم لوالديها

عبرت إيمي عن حبها واشتياقها لوالديها برسالة مؤثرة قالت فيها: “كل شويه اقول امتي اشوفكم، بجد الفراق فعلا من اصعب الحاجات اللي بنحس بيها، ربنا يصبر كل اللي حاسس بيا، بكون عايزه احكي لهم بشوف ايه في حياتي و مين مزعلني و يشوفوا ابني، تفاصيل كتير وطبعا الحياه لازم تستمر و الكلام اللي انتوا عارفينوا ده، ونشتغل و نربي اولادنا ونضحك و نعيش ايامنا بس التفكير فيهم مش بيهدا”.

وأنهت إيمي رسالتها بنصيحة قالت فيها: “نصيحه مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الاصحاب مش مهم السفر مش مهم غير انهم يكونوا هما واولادكم كل يوم معاكم، وربنا يصبر كل الناس.. الفاتحه وربنا يغفر لهم و يجمعنا بيهم في الجنه”.

مسرحية التليفزيون آخر أعمالها

آخر أعمال إيمي سمير غانم كانت مشاركتها في مسرحية “التليفزيون” التي تم عرضها في مهرجان العلمين الجديدة بدورته الثانية لمدة 3 ليالٍ، وذلك في إطار التعاون بين إدارة الشركة المتحدة لخدمات الإعلام بمصر وموسم الرياض والهيئة العامة للترفيه بالسعودية. ويشارك في بطولة المسرحية أوس أوس، محمود حافظ، بدرية طلبة، وسليمان عيد، وتأليف أحمد سعد، إبراهيم صابر، ومحمد خطاب، وإخراج محمد الصغير.