مجلة صوتها موقع مجلة صوتها – مجلة شهرية تعنى بشؤون السياسة والمرأة والمجتمع
اعلنت الفنانة المصرية زيزي عادل إعتزالها الغناء وكشفت عن الأسباب بمقطع فيديو نشرته على صفحتها الخاصة بموقع التواصل الإجتماعي قالت خلاله: “أنا النهاردة طالعة أقول خبر مهم أخدته في حياتي وهو قرار اعتزالي، اللي أخذته من فترة كبيرة جدا، لكن كنت حابة أتكلم مع نفسي ومع الناس القريبة مني، وشجعوني ودعموني، وقراري بيبعدني عن أكبر مغريات الحياة وهي الشهرة والأضواء”.
أضافت : “أنا ببعد عن الفن عشان بقرب من ربنا، والفترة اللي فاتت قربت من ربنا جدا، ولقيت إن القرآن بيقولي لازم أكون ست ملتزمة، وبحاول على قد ما بقدر أكون ملتزمة وهتستغربوا إني طالعة بشعري ومش محجبة، ويمكن ده لأن ربنا لم ينعم عليا بالحجاب، وبدعي ربنا يتممها عليا”.
وتابعت : “جالي عرض مجاليش وأنا بمارس مهنة الغناء، والحمد لله ربنا أكرمني وقدرت أرفض من دعم الناس حواليا.. أنا مش عاوزة أدخل في حتة إن الفن حلال أو حرام، عشان مبقاش طالعة داعية”.
واختتمت: “كل اللي عاوزاه أكون مستعدة لمقابلة ربنا، وأقابله وأنا راضية عن نفسي وحياتي وأفعالي”.
