ايتن عامر: ارحموا بعض كلنا خائفين وهؤلاء الناس معدومي المسؤولية

مع اشتعال المعركة بين الداعين لوقف تصوير كل مسلسلات دراما رمضان 2020 والتزام الحجر الصحي لوقف تفشي فيروس كورونا من جهة، وبين نجوم الفن وشركات الإنتاج المصرة على استكمال التصوير وتعريض العاملين للخطر، تدخلت الفنانة آيتن عامر كطرف محايد مطالبة من الجميع الرحمة، ومؤكدة أن كل طرف يمتلك أسباب قوية تدعم موقفه، ولكننا جميعا أسرى الخوف من فيروس كورونا.

آيتن أكدت أن كل من يخاطر بنفسه وبأهله من أجل العمل معذور، وكل من التزم الحجر الصحي ورفض الاستمرار في عمله محق، ولكن لا ينبغي أن يتبادلا الاتهامات لأننها جميعا بمواجهة خطر واحد، وقالت عبر حسابها بموقع إنستقرام: كلنا معذورين اللي بينزل يشتغل باليومية وبيرمى نفسه في النار عشان خايف ميلاقيش فلوس أو اكل لعيالة معذور واللي بينزل غصب عنه يشتغل مع انه ربنا مديله من وسع ومغصوب ينزل ويعرض اهل بيته كلهم للخطر عشان الشغل اللي متكلف ملايين ميقفش برضة معذور.

وأضافت: واللي بينزل بس عشان شغله حمايتنا او علاجنا معذور برضو اللي مبينزلش ومحترم نفسه وخايف على أهله ونفسه وبلده وشايف حواليه ناس بتخرج تتفسح ومقضياها وعبر عن غضبة بانفعال وخانه التعبير برضة معذور.

وتابعت: ارحموا بعض كلنا خايفين وبندعى ان ربنا يعدى الازمة دى على خير #ارحموا_بعض”.

واستثنت آيتن الذين يرفضون الحجر الصحي الطوعي من أجل النزهات والترفيه ووصفتهم بعديمي المسؤولية تعليقا على رد من أحد متابعيها قال فيه: كل واحد بينزل عشان شغله واكل عيشه ماشي لكن الناس بقي اللي بيتفسحو والمولات اللي على اخرها وبيعملو شوبينج وبيشترو لبس ولا كأنهم في العيد وعيال وهيصه والعتبة امبارح والموسكي كانت على بعضها بمعنى الكلمة ناس بتشتري حاجات وبعد كده لما نقول حظر كلي يقولو انتو قلبكو جاحد الناس دي مش هتلاقي تاكل لو قعدت في البيت ناس مين بجد دول بيتفسحو في المولات.

ودعم عدد كبير من النجوم موقف آيتن عامر وقالت الفنانة سوسن بدر: عندك حق كلنا خايفين وكل واحد عنده اسباب وان شاء الله هاتخلص الازمة دى على خير تفاءلوا بالخير تجدوه